სპორტი
11.10.2022 13:08
„გოლდენ გორის“ წევრი, ძიუდოისტი ლუკა მაისურაძე მსოფლიოს 2022 წლის ჩემპიონატის პრიზიორია
საქართველოს ნაკრების და ძიუდოს კლუბ ,,გოლდენ გორის“ წევრი, წლევანდელი წლის ევროპის ჩემპიონი ლუკა მაისურაძე (90 კგ.) მსოფლიოს 2022 წლის ჩემპიონატის ბრინჯაოს პრიზიორია.
ტაშკენტში (უზბეკეთი) მიმდინარე მსოფლიოს ჩემპიონატზე, ლუკა მაისურაძემ პირველ შეხვედრაში საგაიპოვი (ლიბანი), შემდეგ განტულგა (მონღოლეთი) დაამარცხა, მეოთხედფინალში ესპანეთის სახელით მოასპარეზე ტატო მოსახლიშვილიც დაჯაბნა, ნახევარფინალში კი იტალიელ პარლატისთან წააგო.
ბრინჯაოს მედლისთვის პაექრობაში იგი კუბელ სილვა მორალესს შეხვდა, დაამარცხა და მესამე ადგილს დასჯერდა.
აღნიშნული გამარჯვებით, ლუკა მაისურაძე დიდებს შორის მსოფლიოს ჩემპიონატზე ბრინჯაოს მედლის მფლობელი მეორედ გახდა.
