გორის მუნიციპალიტეტის მერიის მიერ თანადაფინანსებული პროექტის ფარგლებში, გორში„სტრიტ არტები“ შეიქმნა.

ადგილობრივი თვითმმართველობის ინფორმაციით, პროექტი მერიის კულტურული პროექტების თანადაფინანსების პროგრამის ფარგლებში ხორციელდება.

„გამოჩენილი გორელი მოღვაწეები, სპორტი, აბსტრაქცია და თავისუფალი თემა - სხვადასხვა თემატიკაზე შექმნილი ქუჩის მხატვრობის ნიმუშებით 4 ლოკაცია დაიტვირთება.

აქვე უნდა აღინიშნოს, რომ გორის მუნიციპალიტეტის მერიისა და ხელოვნების სახლ „Art House“ - ის ერთობლივი პროექტის ფარგლებში, გარდა სტრიტ არტების შექმნისა, არაერთი საინტერესო ინიციატივა ხორციელდება.

პროგრამის ერთ-ერთი მთავარი მიზანი ახალგაზრდა ხელოვანების ხელშეწყობა და მხარდაჭერაა“, - აცხადებენ გორის მერიაში.

ამ დროისთვის, მოხალისე მხატვრების მიერ შექმნილი აბსტრაციებით მიწისქვეშა გადასასვლელის მოხატვა მიმდინარეობს.