გორში, ჭავჭავაძის ქუჩაზე, კინოთეატრ გამარჯვების წინ მომხდარი ავტოსაგზაო შემთხვევა მსხვერპლით დასრულდა.

„მერსედესის“ მარკის ავტომობილი ფეხით მოსიარულე დედა-შვილს დაეჯახა, ორივე მათგანმა სხეულის უმძიმესი დაზიანება მიიღო.

დაშავებულები გორში მოქმედ სხვადასხვა კლინიკაში გადაიყვანეს.

დაშავებული დედა, 41 წლის ქალი კლინიკაში მიყვანისას გარდაიცვალა.

3 წლის ბავშვის ჯანმრთელობის მდგომარეობა კი, კრიტიკულად მძიმეა, ოჯახის წევრების ინფორმაციით, იგეგმება მისი გადაყვანა თბილისში, ბავშვთა სპეციალიზებულ კლინიკაში.

მომხდარ ფაქტზე მიმდინარეობს საგამოძიებო მოქმედებები.

ავტომობილის მძღოლი იდენტიფიცირებულია და გადაყვანილია პოლიციის განყოფილებაში.